कवी
सु द तु
भांडवलशाही ने आम्हास पिळले,ब्राम्हणशाहीने आम्हास छळले…
करुनी निर्माण,वर्ग अन जात,नष्ट करण्या ही विषमता
आम्ही मांडिले ठाण….
संविधान आमचा जीव की प्राण — ०१
स्वप्न आमच्या संतांचे,ध्येय आमुच्या महामानवांचे
संकल्प….
आमुच्या महात्म्यांचे
पूर्ण करण्या करू आम्ही
जिवाचे रान…..
संविधान आमचे जीव की प्राण — ०२
आम्ही भारताचे सार्वभौम लोक,सार्वभौम आमचे राष्ट्र,स्वातंत्र्याची हमी देते आम्हाला….
हे आमचे संविधान
आमचे जीव की प्राण — ०३
का सकलजन हितकारी,समतावादी
जीविताची आणि स्वातंत्र्याची हमी….
गुलामीतून मुक्ती देणारे
सर्वधर्म समभाव मानणारे
चिकित्सक,विज्ञानवादी…..
आमचे संविधान
म्हणजे आमुचे जीव की प्राण — ०४
समानसंधी,समानप्रतिष्ठा
अभिव्यक्ती स्वातंत्र्य देणारे,
समतावादी,मानवतावादी, विद्याननिष्ठ,पर्यावरणवादी
सर्व पक्षी प्राणी वृक्ष
यावर दया करणारे
संविधान,आमचा जीव की प्राण — ०५
सर्व धर्म आणि संस्कृतीचा
आदर करणारे,आराधनाचे स्वातंत्र्य देणारे,भाषा,क्षेत्र,लिंग,धर्म यात
भेदभाव न करणारे,अस्पृश्यता न मानणारे आमचे संविधान म्हणजे
आमचा जीव की प्राण — ०६
