राकेश चव्हाण
कुरखेडा तालुका प्रतिनिधि
अयोध्येच्या भव्य श्रीराम मंदिरात २२ जानेवारीला प्रभु रामचंद्राची प्राणप्रतिष्ठा केली गेली आहे. या प्राणप्रतिष्ठेचे थेट प्रक्षेपण बघितल्यानंतर विश्व हिंदू परिषदेच्या पदाधिकारी व राष्ट्रीय स्वयंसेवक संघाच्या स्वयंसेवकांमध्ये दर्शनाची आस लागली होती. कुरखेडा तालुक्यातील रामभक्तांमध्ये प्रचंड उत्साहाचे वातावरण दिसुन आले होते.
आज कुरखेडा येथील श्रीराम मंदिरात राम लक्ष्मण जानकी व हनूमतरायाचे पुजन व आरती करून विश्व हिंदू परिषदेचे पदाधिकारी राष्ट्रीय स्वयंसेवक संघाचे स्वयंसेवक व बजरंग दल व दुर्गावाहीनी चे पदाधिकारी कुरखेडा येथून रामलला चे दर्शन घेण्यासाठी प्रस्थान केले.
यावेळी विश्व हिंदू परिषदेचे जिल्हाध्यक्ष वामनराव फाये, नानाजी खुणे, पुंडलिक नागपूरकर महाराज, मुरलीधर देशमुख, डॉ.बाबुलाल कावळे, नरहरी माकडे , प्रल्हाद पाटील खुणे,कुंवर लोकेंद्रशहा सयाम महाराज, श्रीहरी गायकवाड,लांजेवार, आशाताई बानबले, प्रणाली बसोना, व ईतर पदाधिकारी हे प्रभू श्रीरामाचे दर्शन घेण्याकरिता प्रस्थान केले. यावेळी हभप नेवारे महाराज यांनी त्यांच्या सूखद प्रवासासाठी शुभेच्छा दिल्या. यावेळी राम भक्त मोठ्या संख्येत उपस्थित होते.
