दिक्षा ललिता देवानंद कऱ्हाडे
वृत्त संपादीका
संविधान आहे तर देशातील नागरिकांचे हक्क कायम आहेत व हक्कातंर्गत मनमोकळीक जिवंतपणा सर्व नागरिकांत आहे.संविधान नाही तर देशातील बहुजन समाज वैचारिक,मानसिक व धार्मिक दृष्ट्या गुलाम.
म्हणूनच संविधान समजून घेणे व समजून सांगणे आता महत्वाचे झाले आहे.याचाच महत्वपूर्ण भाग म्हणून वंचित बहुजन आघाडीच्या वतीने मुंबई येथील शिवाजी पार्क मैदानावर विशाल,”संविधान महासन्मान,सभा आज होत आहे.
सदर सभेला उपस्थित लाखो बांधवांना व भगिनींना वंचित बहुजन आघाडीचे सर्वेसर्वा अँड.प्रकाश आंबेडकर महत्वपूर्ण मार्गदर्शन करणार आहेत.याचबरोबर वंचितचे इतर वरिष्ठ नेतागण व पदाधिकारी संबोधणार आहेत.
मुंबईचे शिवाजी पार्क मैदान भयंकर मोठे असून ५ लक्ष क्षमतेचे असल्याचे बोलले जात आहे.हे मैदान आज वंचित बहुजन आघाडीच्या कार्यकर्त्यांनी खचाखच भरलेले असेल.
“संविधान महासन्मान,सभेला अनुसरून पदाधिकारी व कार्यकर्त्यांना राजकीय दिशा देण्याचे काम सुध्दा अँड.प्रकाश आंबेडकर करतील असे संकेत आहेत.
“संविधान महासन्मान,सभेसाठी देशाच्या कानाकोपऱ्यातून नागरिक मुंबई कडे मोठ्या संख्येने रवाना झाले आहेत.
