कमलसिंह यादव
तालुका प्रतिनिधी पारशिवनी
पारशिवनी: केंद्रीय माध्यमिक शिक्षण मंडळाने (CBSE) इयत्ता 10 वी आणि 12 वीचा निकाल 2024 जाहीर केला.
पारशिवनी तालुक्यातील पीएम श्री जवाहर नवोदय विद्यालय नवेगाव खैरी पारशिवनी येथील शाळेतून CBSE 10 वी निकाल 2024 च्या परीक्षेत एकूण 79 विद्यार्थी बसले होते.
त्यामध्ये सर्व 79 विद्यार्थी प्रथम विभागात उत्तीर्ण झाले होते.12 वी मध्ये सर्व 45 विद्यार्थी नी परिक्षा दिली होती,यात सर्व विद्यार्थी उत्तीर्ण झाले.
मागील वर्षांप्रमाणे याही वर्षी केंद्रीय माध्यमिक मंडळाच्या पी.एम.श्री.स्कूल जवाहर नवोदय विद्यालय नवेगाव खैरीचा इयत्ता 10वी आणि 12 वीचा निकाल 100 टक्के लागला आहे.
इयत्ता 10 वी मध्ये मिस प्रिन्सी वालाडे 97.2 गुण मिळवून शाळेत पहिली आली तर 12 वी मध्ये मिस बिंदू गड्डे हि 95.68 गुण मिळवून शाळेत पहिली आली.
दहावीत चा वर्गातुन दर्शन चौधरी व तुषार मेश्राम या विद्यार्थ्यांनी गणित विषयात १००-१०० गुण मिळवले. तसेच फिजिकल ॲक्टिव्हिटी ट्रेनर विषयात शिल्पा सिंग, ऐश्वर्या भुजाडे, दर्शिल शेंडे, श्रेया मिश्रा, सेजल दिगडे, पार्थ भगत, अर्णव गणवीर, भावेश लोळे, प्रेरणा हटवार, पूनम गजभिये, धैर्य ठाकरे आणि श्रेया ढोणे यांनी 100टक्के गुण मिळवले. इयत्ता 12वीत लेखा गेडाम आणि दिव्यानी बुटे यांनीही याच विषयात 100% गुण मिळवले.
जवाहर नवोदय विद्यालयाच्या प्राचार्या डॉ.जरीना कुरेशी यांनी शाळेच्या चांगल्या निकालाबद्दल आनंद व्यक्त केला व शाळेचे उपप्राचार्य श्री.मोहित कुमार यांनीही शाळेच्या चांगल्या निकालाबद्दल त्यांचे अभिनंदन केले वर्षभर अभिनंदनाचा वर्षाव होत आहे.
प्राचार्य डॉ.झरिना कुरेशी यांच्या मार्गदर्शनाखाली शाळा अखंड प्रगतीच्या वाटेवर वाटचाल करत आहे. आणि गेल्या काही वर्षात ठरवून दिलेली उद्दिष्टे साध्य करण्यात ते यशस्वी झाले आहेत.
नवोदय विद्यालय समिती प्रादेशिक कार्यालय, पुणे यांच्या अधिकाऱ्यानेही शाळेतील सर्व कर्मचाऱ्यांचे अभिनंदन केले व परीक्षेच्या चांगल्या निकालाबद्दल सर्वांचे कौतुक केले.
