बाळासाहेब सुतार
निरा नरसिंहपुर प्रतिनिधी
टाकळी तालुका माढा येथे निकाली कुस्त्याचे मैदान आज रविवार दिनांक 7 रोजी दुपारी 3 वाजता भरविण्यात येणार,तर राज्यातून आनेक कुस्ती मल्ल व प्रेक्षकांची 5 हजाराहून अधिक संख्येने उपस्थित राहणार.
संयोजक कैलासवासी झुंजार देवराव सोलनकर कुस्ती उत्सव कमिटी टाकळी, व सोलनकर परीवार यांच्या संयुक्त विद्यमाने, व माननीय श्री हिम्मतभाऊ सोलनकर माजी पैलवान, प्रसिद्धी व्यक्तिमत्व, जगदाळे परिवाराचे मित्र, तथा मा.संचालक,वि.सा.का. पिंपळनेर यांच्या प्रमुख मार्गदर्शनाखाली, सालाबाद प्रमाणे कैलासवासी वस्ताद झुंजार सोलनकर यांच्या पाचवे पुण्यस्मरणा निमित्त निकाली कुस्त्याचे जंगी मैदान आज रविवार दिनांक 7/ 4 /2024 दुपारी 3 वाजता भरविण्यात येणार आहे.
महाराष्ट्र व महाराष्ट्राच्या बाहेरून कुस्ती मल्ल सोलापूर, सांगली, कोल्हापूर, पुणे, सातारा, उस्मानाबाद, आशा आनेक जिल्ह्यातू नामांकित पैलवानांची हजारोच्या संख्येने उपस्थितीत राहणार कुस्ती उत्सव कमिटीच्या वतीने सांगण्यात आले. तसेच या ठिकाणी विशेष सन्मान व सत्कारही करण्यात येणार आहेत.
टाकळी येथील निकाली कुस्त्याच्या निवेदना साठी, संपूर्ण राज्यामध्ये ओळख निर्माण झालेले श्री पैलवान युवराज (तात्या) केचे यांची या कुस्ती आखाड्यासाठी प्रमुख उपस्थित आहे.
