पर्यावरणाचा । पाच जून दिन ।
चला विणू वीण । निसर्गाची ।।१।।
पर्यावरणाचे । संरक्षण करू ।
संवर्धन करू । नियमित ।।२।।
टाळू या आपण । सर्व प्रदूषण ।
सर्वांचेच प्राण । वाचवू या ।।३।।
वृक्ष लागवड । करू या आपण ।
करू या सृजन । तरुंचेच ।।४।।
सर्वांचीच माता । आहे वसुंधरा ।
दुःखाला न थारा । तिचे कुशी ।।५।।
कृती कार्यक्रम । राबवू या सारे ।
आनंदाचे वारे । जीवनात ।।६।।
जबाबदारी ही । पर्यावरणाची ।
वातावरणाची । शुद्धतेची ।।७।।
संकल्प दिवस । पर्यावरणाचा ।
या आवरणाचा । सर्वांचाच ।।८।।
पर्यावरणाचे । करू या रक्षण ।
न करू भक्षण । सृष्टीचे या ।।९।।
पर्यावरणाचा । जागतिक दिन ।
ठेवूनिया भान । जपू धरा ।।१०।।
