वाचवू पर्यावरण
फुलू द्या रे उद्याचे नंदनवन ।
बंद करा पर्यावरणाशी खेळ ॥
प्राणवायू सिलेंडर पाठीवर ।
घेण्याची येऊ देऊ नका रे वेळ ॥
झरेही आटले,नद्याही सुकल्या ।
बदलली येथे ही सृष्टीची रीत ॥
वृक्षाचा दातृत्वाचा स्मरावा गुण ।
वृद्धिंगत करू निसर्गाशी प्रीत ॥
जीवन नि वाचवू पर्यावरण ।
वृक्ष लागवडीचा धरू ध्यास ॥
वृक्ष संवर्धन करू या सर्वच ।
लाभे मानवा निसर्ग सहवास ॥
वृक्षारोपण करू झाडे जगवू ।
हिरवा शालू या धरेला पांघरू ॥
उद्याचे जीवन सुंदर बनवू ।
पर्यावरण दिन साजरा करू ॥
