राष्ट्रीय स्वयंसेवक संघ स्थापनेच्या १०० व्या वर्धापन दिनानिमित्त विशेष कार्यक्रमांचे आयोजन…

ऋग्वेद येवले 

 उपसंपादक

दखल न्यूज भारत 

साकोली : हिंदू समाजात पुरुष आणि शक्तीचे जागरण विजयादशमीच्या पर्वावर होते. यावर्षीचा साकोली नगराचा विजयादशमी व शस्त्रपूजन उत्सव शोहळा होमगार्ड परेड ग्राउंड येथे दिनांक 4 ऑक्टोबर 2025 ला सायंकाळी 5:30 वाजता होणार असून या कार्यक्रमाला प्रांत संचालक दीपक तामशेट्टीवार प्रमुख वक्ते तर प्रवीण भाई पटेल उद्योजक यांच्या प्रमुख उपस्थितीत पार पडणार आहे.

         येत्या २ ऑक्टोबर २०२५ रोजी होणाऱ्या विजयादशमीला राष्ट्रीय स्वयंसेवक संघाच्या स्थापनेला १०० वर्षे पूर्ण होत आहेत.या ऐतिहासिक प्रसंगाचे औचित्य साधून संघातर्फे वर्षभर विविध कार्यक्रमांचे आयोजन केले जाईल. 

       संघ समाजातील प्रत्येक घटकाच्या सहभागाने आपल्या स्थापनेचे शताब्दी वर्ष विशेषतः साजरे करते.यासाठी सात प्रमुख कार्यक्रम निश्चित करण्यात आले आहेत,जे विजयादशमी २०२५ पासून सुरू होतील आणि विजयादशमी २०२६ पर्यंत चालू राहतील. 

        हे सात प्रमुख कार्यक्रम असतील: १. विजयादशमी उत्सव २. गृह संपर्क अभियान ३. हिंदू संमेलन ४. प्रमुख सार्वजनिक सभा ५. सामाजिक सद्भावना बैठक ६. युवा कार्यक्रम ७. जास्तीत जास्त ठिकाणी शाखा. 

      या कार्यक्रमांचा उद्देश समाजातील प्रत्येक घटकाला कोणत्या ना कोणत्या प्रकारे जोडणे आहे,जेणेकरून सामाजिक सौहार्द,राष्ट्रवाद आणि सांस्कृतिक जाणीव व्यापकपणे पसरवता येईल.

       स्वयंसेवक आरएसएस संस्थापक आदरणीय डॉ. हेडगेवार यांचा संदेश घरोघरी पोहोचवण्यासाठी स्वयंसेवक तत्पर आहेत. आरएसएसची स्थापना १९२५ मध्ये विजयादशमी रोजी झाली होती,ज्यामुळे हा दिवस आरएसएससाठी अतिशय पवित्र आणि ऐतिहासिक दिवस बनला आहे.

         यानिमित्ताने साकोलीत होमगार्ड परेड मैदानावर हा शताब्दी उत्सव केवळ औपचारिक नसून सामाजिक बदलाचा पाया म्हणून काम करण्याची आणि तरुणांपासून महिलांपर्यंत सर्व सामाजिक गट,वैचारिकदृष्ट्या संयोजित सामाजिक संस्था आणि सर्व सामाजिक गट सक्रिय भूमिका बजावतील.