भाविकदास करमनकर
धानोरा तालुका प्रतिनिधी
माळंदा (ता. धानोरा, जि. गडचिरोली) : जय पेरसापेन हायस्कूल, माळंदा येथे भारतरत्न डॉ. बाबासाहेब आंबेडकर यांची जयंती साजरी करण्यात आली.
कार्यक्रमाची सुरुवात डॉ. बाबासाहेब आंबेडकर यांच्या प्रतिमेला पुष्पहार अर्पण करून करण्यात आली. त्यानंतर विद्यार्थ्यांनी व शिक्षकांनी बाबासाहेबांच्या विचारांवर भाषणे केली. विद्यार्थ्यांनी सादर केलेल्या भाषणांतून बाबासाहेबांचे कार्य, त्यांचे सामाजिक योगदान व शिक्षणाचे महत्त्व यावर प्रकाश टाकण्यात आला.
मुख्याध्यापकांनी आपल्या भाषणात विद्यार्थ्यांना बाबासाहेबांच्या आदर्शांचा अंगीकार करून शिक्षणाच्या माध्यमातून प्रगती करण्याचे आवाहन केले. तसेच समाजात समानता, बंधुता आणि न्याय प्रस्थापित करण्यासाठी बाबासाहेबांचे विचार आजही मार्गदर्शक असल्याचे सांगितले.
कार्यक्रमाला शिक्षकवृंद, कर्मचारी तसेच मोठ्या संख्येने विद्यार्थी उपस्थित होते. शेवटी राष्ट्रगीताने कार्यक्रमाची सांगता करण्यात आली.
