ग्रामगीता महाविद्यालयात महात्मा ज्योतिबा फुले जयंती साजरी…

शुभम गजभिये

 विशेष प्रतिनिधी..

       दिनांक 11 एप्रिल 2026 रोजी “भारतरत्न डॉ.बाबासाहेब आंबेडकर सामाजिक समता सप्ताह” अंतर्गत ग्रामगीता महाविद्यालयात,समान संधी केंद्र व मायनॉरिटी सेल तर्फे महात्मा ज्योतिबा फुले जयंती साजरी करण्यात आली.

      या कार्यक्रमाचे आयोजन प्राचार्य,डॉ.सुनंदा आस्वले यांच्या मार्गदर्शनाखाली करण्यात आले. 

     कार्यक्रमाचे अध्यक्ष,डॉ. हुमेश्वर आनंदे व प्रमुख पाहुणे म्हणून प्रा.डॉ.निलेश ठवकर,प्रा.डॉ.युवराज बोधे,प्रा.डॉ.प्रणाली टेंभुर्णे,प्रा.डॉ.सुमेध वावरे व प्रा.डॉ.सरताज शेख हे मंचावर उपस्थित होते.

       या कार्यक्रमाची सुरुवात महात्मा ज्योतिबा फुले व भारतरत्न,डॉ.बाबासाहेब आंबेडकर यांच्या प्रतिमांना पुष्पहार अर्पण करून करण्यात आली. 

      प्रा.डॉ.हुमेश्वर आनंदे यांनी महात्मा ज्योतिबा फुले व त्यांचे शैक्षणिक, सामाजिक कार्य व आधुनिक शिक्षण प्रणाली,स्त्री शिक्षण व शेतकऱ्यांसाठी न्याय,यावर विद्यार्थ्यांना मार्गदर्शन केले. 

      तसेच प्रमुख पाहुणे,प्रा. डॉ.निलेश ठवकर प्रा.डॉ.युवराज बोधे,प्रा.डॉ.प्रणाली टेंभुर्णे यांनी सुद्धा विद्यार्थ्यांना मार्गदर्शन केले.

      या कार्यक्रमाचे संचालन,कार्यक्रम समन्वयक,प्रा.डॉ.सुमेध वावरे,प्रास्ताविक प्रा.डॉ.सरताज शेख व आभार प्रदर्शन प्रा.डॉ.मृणाल वराडे यांनी केले.

       हा कार्यक्रम यशस्वी करण्यासाठी महाविद्यालयातील सर्व प्राध्यापक वृंद,शिक्षकेत्तर कर्मचारी व विद्यार्थी उपस्थित होते.