प्रदीप रामटेके
मुख्य संपादक
एका गरिबांच्या घरी १०० रुपयांची चोरी होणे म्हणजे त्यांच्या संसाराचा दैनंदिन कारभार गडबडणे होय.चोरांना जनाची व मनाची लाज राहात नाही,ते कुठेही हात मारुन निघून जातात.
असाच चोरीचा प्रकार नेरी येथील वार्ड क्रमांक ३ महात्मा फुले नगर मध्ये घडला असून आज पहाटे साडेचार वाजताच्या दरम्यान बिनधास्त चोरीची घटना घडली.
श्रिमती ललिता देवानंद कऱ्हाडे यांच्याकडे छोटेसे किराणा दुकान असून किराणा माल ठेवणाऱ्या रुमचे कुलूप तोडून चोर अंदर घुसला व त्या रुममधील ४० हजार रुपयावर डल्ला मारला.
याच बरोबर सदर चोरांनी स्वयंपाक रुमची खिडकी तोडून बैठक हाॅल मध्ये प्रवेश केला व माल विक्रिचे चिल्लर रुपये नेण्याच्या प्रयत्नात असताना चोराच्या हाताने डब्बा खाली पडला.
यामुळे हाॅल मध्ये झोपून असलेल्या श्रिमती ललिता देवानंद कऱ्हाडे यांना जाग आलाय व त्यांनी मुलगा अमीत असेल म्हणून आवाज दिला.
मुलगा अमीतला आवाज देताच सदर चोरांनी घराचे मुख्य प्रवेशद्वार खोलून कळायच्या आतच पोबारा केलाय.यामुळे नेमका चोर कोण होता हे निदर्शनास आले नाही.
किराणा दुकानचे स्वेटर लावण्यासाठी कालच त्यांनी महिला बचत गटांकडून रुपये घेतले होते.एका गरीबांच्या घरी ४० हजारांची चोरी होणे म्हणजे ४० लाख रुपयांची चोरी झाल्यासारखे आहे.
मात्र चोरी प्रकरणावरून सदर चोर हा चोरी करण्यात तरबेज असल्याचे लक्षात येते.
चिमूर पोलिसांनी वेळ न गमावता चोरी प्रकरणी चौकशीला सुरुवात केली तर चोर हा जाळ्यात लटकू शकतो असे चोरीच्या घटना प्रकरणावरून अंदाज दिसतो आहे.
