रामदास ठुसे
नागपूर विभागीय प्रतिनिधी
आजच्या वेगाने विकसित होत असलेल्या डिजिटल युगात,माहिती,शिक्षण आणि अत्यावश्यक सेवांमध्ये प्रवेश हे डिजिटल जागरूकतेवर अधिकाधिक अवलंबून आहे.
तंत्रज्ञानाच्या जबाबदार आणि माहितीपूर्ण वापराची गरज ओळखून,आठवले कॉलेज ऑफ सोशल वर्क,चिमूरच्या राष्ट्रीय सेवा योजना (NSS) विशेष शिबिर 2026 ने आपला पाचवा दिवस बोथली (वहानगाव) येथे डिजिटल साक्षरता आणि सामाजिक विकासाला चालना देण्यासाठी घेण्यात आले.
या उपक्रमांत जिल्हा परिषद शाळा बोथली-वहानगाव, भिवाजी वरभे विद्यालय,बोथली-वहानगाव आणि स्थानिक ग्रामस्थ यांच्या संयुक्त विद्यमाने “डिजिटल साक्षरताकडे पाऊल – सामाजिक विकासाची वाटचाल” या जनजागृती रॅलीचे आयोजन करण्यात आले होते.
NSS स्वयंसेवक आणि शालेय विद्यार्थ्यांनी सक्रियपणे सहभाग घेऊन, “डिजिटल जागरूकता, उज्वल भविष्य,” “गो डिजिटल, ग्रो सोशल” आणि “थिंक बिफोर यू क्लिक” सारख्या घोषणा देत ग्रामीण समुदायामध्ये डिजिटल सुरक्षितता,शिक्षण हक्क आणि सामाजिक विकासाबद्दल जागरूकता करण्यात आली.
या कार्यक्रमात डिजिटल साक्षरता, सहभागी विकास, पर्यावरणीय शाश्वतता आणि सार्वजनिक आरोग्य जागरूकता यावर लक्ष केंद्रित करणारी चार शैक्षणिक सत्रे समाविष्ट करण्यात आली होती.
या सत्रादरम्यान,डॉ.नंदकिशोर भगत,सहयोगी प्राध्यापक,आठवले कॉलेज ऑफ सोशल वर्क,भंडारा यांनी डिजिटल साक्षरता हा आता ग्रामीण भारतातील सर्वसमावेशक सामाजिक विकासाचा पाया आहे असे मार्गदर्शनात म्हटले आहे.
डॉ.चंदू पाटील,सहयोगी प्राध्यापक, ACSW भंडारा,यांनी ग्रामीण मूल्यांकनामुळे लोकांच्या सहभागाने विकास सुनिश्चित होतो असे त्यांनी म्हटले आहे तर श्री.नीलकंठ शेंडे समुपदेशक कृषी कार्यालय नागभीड,यांनी प्रभावी पाणलोट व्यवस्थापन हा शाश्वत शेती आणि ग्रामीण समृद्धीचा कणा असल्याचे प्रतिपादन केले.
तद्वतच डॉ.राहुल शेंडे,समुपदेशक,उपजिल्हा रूग्णालय,आर्वी यांनी सावध केले की AIDS प्रतिबंधित करण्यासाठी जागरूकता आणि वेळोवेळी जागृती करणे हे सर्वात मजबूत साधन आहे.
कार्यक्रमांमध्ये NSS स्वयंसेवक,शालेय विद्यार्थी आणि ग्रामस्थांचा सक्रिय सहभाग दिसून आला,यावेळी आठवले कॉलेज ऑफ सोशल वर्क,चिमूरच्या डॉ.चंद्रभान खंगार (MSW प्रभारी), डॉ. सुरेश मिलमिले (BSW प्रभारी), आणि डॉ.प्रीती चंद्रशेखर दवे (NSS कार्यक्रम अधिकारी) यांच्या मार्गदर्शनाखाली NSS विशेष शिबिर उपक्रम राबविण्यात आला होता.
