शुभम गजभिये
विशेष प्रतिनिधी…
महसूल सेवक (कोतवाल) पदास शासकीय स्तरावरून दिनांक ११/०९/२०२५ पर्यंत चतुर्थ श्रेणी मंजुर न झाल्यास १२/०९/२०२५ पासुन महसुल मंत्री महाराष्ट्र राज्य यांच्या क्षेत्रामध्ये बेमुदत धरणे आंदोलन करण्यात येईल असा इशारा कोतवाल संघटनेने दिला आहे.
या संदर्भात महसूल मंत्री महाराष्ट्र शासन (मार्फत मा. विभागीय आयुक्त,, नागपूर विभाग नागपूर) यांना दिनाक 3/9/2025 रोजी दिलेले निवेदन सादर करण्यात आले आहे.
कोतवाल संघटनेने उपरोक्त संदर्भिय विषयान्वये निवेदनात म्हटले आहे की महाराष्ट्र राज्यातील महसुल सेवक (कोतवाल) महसूल घटकातील महत्वाचा कणा आहे.
विभागातील अत्यंत महत्वाचा समजला जाणारा महाराष्ट्र राज्याची विविध शासकीय धोरणे उपाययोजना,शासन स्तरापासुन ते गाव पातळीवरील महत्त्वाच्या योजना तसेच केंद्र शासनाच्या राज्यात सुरु असणाऱ्या महत्वाच्या योजना इत्यादींची अंमलबजावणी राज्यातील अंतिम घटकापर्यंत व्यवस्थित रित्या पोहचवण्यासाठी. राज्यातील महसूल यंत्रणा जिल्हाधिकारी ते महसूल सेवक (कोतवाल) स्तरापर्यंत 8.9.25 पर्यंत कार्यरत असते.
महसूल विभाग हा राज्य शासनाच्या क्षेत्रीय योजना राबविणारा सर्वात प्रमुख विभाग आहे.महसुली कामा बरोबरच विविध प्रमाणपत्र देणे,कृषी गटांना शासनाच्या विविध योजना अभियान मोहिमांचे समन्वय,आपत्ती टंचाई,जनगणना,निवडणुका राजशिष्टाचार,विविध जात प्रमाणपत्रे देणे अशा अनेक बिगर महसुली कामाची जबाबदारी महसूल विभागावर असते.
त्याअर्थी सर्वसामान्य जनतेच्या दैनंदिन गरजांची निगडित असलेला,आणि त्यामुळे शासनाची प्रतिमा प्रतिबिंबित करणारा हा विभाग आहे.
क्षेत्रीय स्तरावर तलाठी साझा तसेच वरिष्ठ महसुली कार्यालयात महसूल सेवक (कोतवाल) २४ तास शासकीय सेवा देत असून महसूल सेवक (कोतवाल) आपली जबाबदारी योग्यरिता पार पाडत असतात.
परंतु शासनाने अद्यापर्यंत महसूल सेवक (कोतवाल) पदास शासनाच्या वर्गीकृत कर्मचाऱ्या प्रमाणे सेवा सुविधा लागू केलेल्या नाही.
त्यामुळे शासकीय सेवा करीत असताना महसूल सेवक (कोतवाल) यांना खूप अन्याय सहन करावा लागत आहे.महसूल सेवक (कोतवाल) पदाचे महसूल यंत्रणेतील स्थान आणि कार्य लक्षात घेता महसूल सेवक (कोतवाल) यांना इतर महसूल कर्मचाऱ्या प्रमाणे शासकीय सेवा सुविधा देण्यासाठी चतुर्थ श्रेणीचा दर्जा देऊन महसूल सेवक कर्मचारी यांच्यावरील अन्याय दूर करावा.
अन्यथा सर्व महसुल सेवक टप्या टप्याने खालीलप्रमाणे आंदोलन करण्याचे योजीले आहे.तरी महसुल सेवकांना चतुर्थ श्रेणीचा दर्जा लवकरात लवकर द्यावा अशी मागणी चिमुर तालुका कोतवाल संघटनेचे तालुकाध्यक्ष आकाश चौधरी,उपाध्यक्ष विनोद गजभे,प्रशांत खेडकर आदींनी निवेदनाद्वारे चिमुरचे तहसीलदार यांच्या मार्फत शासनाला केली आहे.
