ऋषी सहारे
संपादक
गडचिरोली दि.०४ :महाराष्ट्र राज्य आरोग्य खाते आशा वर्कर व गट प्रवर्तक संघटना संलग्न आयटक च्या वतीने गट प्रवर्तक कर्मचारी यांना कंत्राटी कर्मचाऱ्या प्रमाणे वेतनश्रेणी,वार्षिक वेतन वाढ,अनुभव बोनस तर आशा वर्कर ला किमान वेतन,दिवाळी भाऊबीज आणि ऑनलाईन कामावर बहिष्कार या मागणीसाठी जिल्हा परिषद कार्यालय वर विशाल धरणे आंदोलन करत आशा वर्कर व गटप्रवर्तक यांनी तीव्र नारेबाजी करून सरकारवर रोष व्यक्त केला व मुख्यकार्यकारी अधिकारी व जिल्हा आरोग्य अधिकारी यांच्या मार्फत मुख्यमंत्री,उपमुख्यमंत्री व आरोग्य मंत्री यांना निवेदन देऊन 15 तारखे पर्यंत मागण्या मंजूर न झाल्यास महाराष्ट्र राज्य आरोग्य खाते आशा वर्कर व गट प्रवर्तक कृती समिती द्वारे 16 ऑक्टोंबर पासून बेमुदत संपावर जाण्याची नोटीस दिली.
आंदोलनाचे नेतृत्व कॉ विनोद झोडगे राज्य सचिव आयटक, कॉ.ड्रॉ.महेश कोपुलवार राज्य कार्यकारणी सदक्ष भाकप , कॉ.देवराव चवळे जिल्हा अध्यक्ष आयटक, कॉ .सरिता नैताम जिल्हा सचिव आशा वर्कर संघटना, कॉ.विद्यादेवी येजुलवार संघटन सचिव गट प्रवर्तक संघटना,संगीता मेश्राम,किरण नैताम,जोत्सना बनसोड,मंजुषा कथले,सोनाली ठाकरे ,भूमिका कांबळी यांनी केले.राष्ट्रीय आरोग्य अभियान अंतर्गत आशा स्वयंसेविका व गटप्रवर्तक यांची नेमणूक झाल्यापासून दिवसेंन दिवस कामाचा दबाब वाढवण्यात येत आहे. अल्प मोबदल्यात काम करणाऱ्या स्वयंसेविका स्वतः विधवा, घटस्फोटीत किंवा ज्यांची आर्थिक बाजू कमकुवत आहे अशा असून वाढत्या महागाईच्या काळात प्रपंच चालवणे कठीण होत आहे. त्यामुळे 4 ऑक्टोबर पासून महाराष्ट्र आशा गटप्रवर्तक कृती समितीने राज्यभर विविध मागण्या करता आंदोलन केले. त्या अनुषंगाने आयटक च्या वतीने जिल्हा परिषद समोर धरणे आंदोलन करण्यात आले.
यावेळी विविध प्रमुख व स्थानिक मागण्या करण्यात आल्या.ज्यामधे गट प्रवर्तक कर्मचाऱ्यांना शासकीय कर्मचाऱ्यांचा दर्जा देऊन शासकीय वेतन श्रेणी व भत्ते लागू करावेत.जोपर्यंत शासकीय कर्मचाऱ्यांचा दर्जा दिला जात नाही तोपर्यंत त्यांना कंत्राटी कर्मचाऱयांना लागू असलेली वेतनश्रेणी देण्यात यावी.तसेच कंत्राटी कर्मचाऱयांना लागू असलेली वार्षिक वेतन वाढ 5 टक्के व अनुभव बोनस 15 टक्के देण्यात यावा या खेरीज गट प्रवर्तक यांना प्रवास भत्ता देण्यात यावा. आशा वर्कर ला किमान वेतन ,दिवाळी भाऊबीज दहा हजार रु.लागू करण्यात यावी.
आशा वर्कर व गट प्रवर्तक यांना ऑनलाईन कामे करण्याची सक्ती करू नये,विना मोबदला कामे सांगू नये.आरोग्य खात्यातील 50 टक्के रिक्त जागा पात्रतेनुसार आशा व गट प्रवर्तक मधून भरा. कोरोना काळातील ग्रामपंचायत स्तरावरून थकीत देण्यात येणारा मासिक हजार रुपये त्वरित देण्यात यावा.आभा कार्ड,गोल्डन ई कार्ड काढण्याची शक्ती करण्यात नये.गटप्रवर्तक यांचा आशा सुपरवायजर नामोल्लेख करण्यात यावा.
सी एच ओ नसलेल्या सब सेंटर मधील आशा वर्कर ला आरोग्य वर्धिनीचा निधी मेडिकल ऑफिसर च्या सहीने देण्यात यावा. शासकीय सुट्टीचे दिवशी लाभार्थीची माहिती मागवू नये यासह विविध मागण्या करण्यात आल्या.
यावेळी जिल्हा भरातील हजारो आशा वर्कर व गट प्रवर्तक उपस्थित होत्या.
